Në një kohë kur deputetët e Rilindjes po denoncojnë me forcë disa kontrata qiraje për tokat bujqësore të siguruara nga kompania ‘Balili-Ko’ e cila është në pronësi të Bashkim Balilit (vëllai i Escobarit të Ballkanit, Klement Balili), rezulton se vetë zyrtarët e Rilindjes i kanë dhënë disa tenderë të rëndësishëm kësaj kompanie, ku më pikanti duket ai që lidhet me parkun e Butrintit, një zonë në patronazhin e UNESCO-s.
Kompania në fjalë është Balili-KO, e cila rezulton fituese e një kontrate në Parkun Kombëtar të Butrinit. Kontrata fituese ka si qëllim ruajtjen me anë policisë private të Parkut.
Hashtag.al mblodhi disa të dhëna tek OpenData, ku vihet re se kompania ka fituar tenderin dhe ka lidhur kontratën me Parkun e Butrintit më 1 Prill 2017.
Nga të dhënat publike rezulton se kjo kompani ka fituar disa dhjetëra tenderë dhe në drejtoritë e tatimeve, OSHEE, etj.
Balili kontrate sigurie ne Butrint
Duket interesant fakti se ndërsa deputetët e Rilindjes thumbojnë LSI-në për kontratat e qirasë së tokave me Balilajt, duke shënjestruar ‘lidhjet me narkotrafikantin’, një vit pasi Balili është shpallur në kërkim, ministrja Kumbaro i beson të njëjtës kompani ruajtjen e Parkut Kombëtar të Butrintit, vlerë e mbrojtur nga UNESCO.
