DAR: Nesër mësim në të gjitha shkollat e Tiranës

Nesër do të zhvillohet mësim në të gjitha shkollat publike dhe private të kryeqytetit.
Drejtoria Arsimore e Tiranës ka nxjerrë këtë urdhër me qëllim që nxënësit e shkollave 9-vjeçare dhe të mesme të zëvendësojnë mësimin e humbur në 27 nëntor. Me Vendim të Këshillit të Ministrave, kjo date iu bashkua ditëve të pushimit gjatë festave të Nëntorit.
Për shkollat në qarqet e tjera të vendit priten urdhra edhe nga drejtoritë arsimore rajonale përkatëse.