Ndonjëherë “selfiet” bëhen të rrezikshme, aq sa mund të na kushtojnë dhe jetën. Rasti më i fundit është i kësaj 16-vjeçareje, e cila përfundoi në spital pasi u godit nga një tren në momentin që po pozonte me mikeshat e saj pranë një hekurudhe.
Ely Hayati u godit në pjesën e pasme të kokës. Mikeshat e saj thanë më vonë për policinë se ajo fluturoi disa metra nga përplasja.
Vajza 16-vjeçare u shoqërua menjëherë në spital, ku mjekët thonë se është në gjendje të qëndrueshme, por duhen pritur rezultatet e analizave për të kuptuar nëse e reja ka pësuar ndonjë dëmtim të pariparueshëm në tru apo jo.
