Gjithë Shqipëria do të karakterizohet nga reshje të dendura shiu këtë pasdite ndërkohë që zonat më të rrezikuara tashmë janë në veri të vendit.
Instituti i Gjeoshkencave, Energjisë, Ujit dhe Mjedisit parashikon që reshjet e shiut të jenë më intensive në Qarkun e Shkodrës. Ndërsa në Kukës, Dibër, Vlorë dhe Gjirokastër do të shoqërohen me shtrëngata. Të dielën pritet të ketë reshje kryesisht gjatë paradites, por intenisteti i tyre do të bjerë ndjeshëm në gjithë vendin. Temperaturat pritet të shënojnë deri -3 gradë në zonat malore dhe 5 gradë C minimalja në zonat e ulëta, thuhet në njoftimet më të fundit të institutit.
