Vetëm dy ditë më parë Urgjenca e QSUT-së u fut në kolaps, pasi 8 mjekë të saj paraqitën dorëheqjen, me një letër për krerët e shtetit, ku theksonin se problemet janë të mëdha, që nga ambientet skandaloze, mungesa e medikamenteve, pagat e ulëta dhe dyndja e pacientëve. Por, kryeministri Edi Rama duket se ka gjetur një mënyrë tepër ironike për t’iu kundërpërgjigjur dorëheqjes së tyre.
Rama u ka uruar mirëmëngjesin sot qytetarëve duke shpërndarë një video të ndërhyrjes së mjekëve në zonat e prekura nga përmbytjet, si për të treguar se Urgjenca ka me dhjetra mjekë që po punojnë aktualisht në terren me të evakuuarit.
“Me këto pamje nga puna e pandërprerë e ekipeve të mjekëve të Urgjencës Kombëtare Mjekësore në qendrat e evakuimit dhe shtëpi më shtëpi në familjet e prekura nga përmbytjet në Fier dhe Vlorë, ju uroj një ditë të mbarë”, shkruan Rama.
https://www.facebook.com/edirama.al/videos/10155372308931523/
