Ditën e djeshme në qytetin e Elbasanit është arrestuar i shumë kërkuari i Interpolit, Besnik Çapja, i cili akuzohet për trafik të sasive të mëdha të kokainës në Itali. Në aksionin për kapejn e tij kanë marrë pjesë efektivë të Policisë së Elbasanit, Interpol Tirana dhe FNSH-së. Besnik Çapja njihet si personi me tre emra, ndërsa ishte shpallur në kërkim ndërkombëtar nga Interpol Roma që nga viti 2011 si anëtar i një organizate kriminale, dhe për këtë arsye do të ekstradohet për në Itali.
“40-vjeçari Besnik Çapja, lindur dhe banues në Elbasan, rezultonte me tre emra, edhe si Besnik Bylyku, edhe si Kliton Prifti. Kapja e tij, pasi ai mbahej nën vëzhgim nga Policia, u bë në një pikë llotosporti në rrugën “Rinia”, në lagjen “Visarion Xhuvani” Elbasan. Besnik Çapja, më datë 28 nëntor 2017 ishte shpallur në kërkim ndërkombëtar nga Interpol Roma, Itali. Autoritetet Gjyqësore në Torino, me vendim nr. SIEP 431/2017, datë 1.06.2017, e kishin dënuar me 6 vjet e 4 muaj burgim për “Pjesëmarrje në organizatë kriminale me qëllim trafikimin e lëndëve narkotike” gjatë periudhës 1.06.2011 deri në 16.11.2011 në Torino, Santena, ku ai rezultonte anëtari i një organizate kriminale për trafikimin e sasive të mëdha të drogës të llojit kokainë”, thuhet në njoftimin e policisë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
