Mbledhja e sotme e Komisionit të Ekonomisë është përfshirë nga debate të ashpra. Deputetja e PD-së, Jorida Tabaku i ka kërkuar ministrit Arben Ahmetaj të shpejgojë për shqiptarët se çfarë do të ndodhë me verifikimin e përmbytjeve. Ndërkohë ministri tha se së shpejti nis faza e verifikimit. Ndërsa nga ana tjetër replikoi kryetari i komisionit, Erion Braçe, i cili akuzoi PD se për 2 vite rresht përmbytën Shkodrën.
Debati në Komisionin e Ekonomisë:
Tabaku: Çfarë do ndodhë me zonat e përmbytura dhe verifikimin? Sa është paguar në vitin 2015?
Ahmetaj: Zonat e përmbytura po verifikohen. Për pyetjen e parë zonja Tabaku jemi të mirëkuptuar që ky është një proces fare i thjeshtë buxhetimi. Përsa i përket 2015 shumica e kompensimit është paguar. Nuk kemi vlerësim dëmesh akoma, ka katër faza ne jemi të e tretë shumë shpejt do të fillojë vlerësimi.
Tabaku: Nuk e thatë sa është paguar në 2015?
Ahmetaj: Nuk e mbaj mend tamam, por është 5 milionë euro.
Braçe: E mbytët Shkodrën 2 vjet rresht, u kthye Shkodra në liqen.
