Ministrat e Financave të 28 vendeve të BE ranë dakord të martën të miratojnë një listë me 17 vende jo-evropiane të quajtur lista e zezë e parajsave fiskale. BE synon të vendosë sanksione ndaj atyre që bëjnë evazion fiskal. Por sakaq është edhe lista gri me 47 shtete që kanë premtuar të kryejnë reforma në përputhje me kriteret fiskale evropiane, raporton Euronews.
Për të përmbushur angazhimet, vendet në zhvillim do të ketë afat deri në vitin 2019. Në mesin e atyre që thanë se ishin të gatshëm për të bërë reforma është Shqipëria, e cila shpreson për të hapur negociatat e pranimit në BE. Megjithatë, vendi duhet së pari të rishikojë sistemin e tij tatimor.
Gjiganti europian informimit ka intervistuar kryeministrin Edi Rama i cili tha se BE e ka të lehtë të fajësojë ato vende që vijnë nga një e kaluar e vështirë.
“Ne kemi bërë përparim të madh në këtë drejtim, tha kryeministri Edi Rama, i cili po viziton Brukselin për të takuar udhëheqësit e institucioneve evropiane. Është gjithmonë e lehtë të fajësohen ato vende që po përballojnë sfidat me guxim për ndërtimin e një të ardhme më të mirë dhe për të lënë pas të shkuarën e vështirë”.
Tani për tani, vendet në listën e zezë mund të humbasin aksesin në fondet evropiane, por javët e ardhshme ministrat e Financave mund të marrin masa më të rënda. Përshtati, Opinion.al
EURONEWS/ Shqipëria në listën gri të parajsave fiskale, Rama justifikohet: Brukseli e ka të lehtë të na fajësojë
