Shtatë mjekë të Urgjencës që kishin parlajmëruar rreth një muaj më parë largimin nga detyra, e kanë marrë përsipër përmbushjen e këtij akti ditën e sotme duke dhënë kolektivisht dorëheqjen.
Mjekët i kanë dërguar një letër Presidentit Meta, kryeministrit Rama si dhe ministres së Shëndetësisë Ogerta Manastirlliu, ku ankohen për mungesën e shtretërve dhe medikamenteve në spitale. Ata gjithashtu theksojnë se ka mbingarkesë pacientësh, sepse urgjencat e tjera nuk e zbatojnë rregullin dhe për këtë të gjithë shkojnë në QSUT.
“Tërhiqemi nga pozicioni i punës. Nuk ka kushte pune për stafin mjekësor dhe ka mbingarkesë me të sëmurë të shtruar. Ka mungesë vendesh në pavianët e tjera dhe Shërbimet e tjera nuk zbatojnë urdhrat. Po paralajmërojmë sipas kodit të punës 30 ditë përpara”, thuhet në letrën e mjekëve të Urgjencës në QSUT.
