Kryeministri Edi Rama tha sot se akuzat për përmbytjen e autostradës janë qesharake pasi ajo nuk u përmbyt nga uëjrat e hapura të liqenit të Kasharit dhe Bovillës. Sipas tij ky liqen është nën kuotë.
“Është e papranueshme që të ndërtohet një gënjeshtër politike se me demek u hap Bovilla, apo Liqeni i Kasharit, që është akoma 3 metra nën kuotë”, tha Rama. “Ajo përmbytje ka disa shkaqe të tjera dhe mbështes ministrin e Brendshëm. Ne do t’i shkojmë deri në fund, aty është ndërhyrë drejtpërdrejtë në rrjetin e shkarkimeve, duke ndërtuar pa leje dhe improvizuar shkarkime që sjellin këto pasoja. Nuk do të falim asnjë përgjegjës për atë situatë. Do t’i shkojmë deri në fund”, tha kryeministri gjatë mbledhjes së shtabit të emergjencës.
Kryeministri kërkoi nga qytetarët që të tregohen të vëmendshëm nga paralajmërimet EC, ushtrisë e policisë, ndërsa për autoritetet tha se vëmendje kërkoi tek situata në rrjedhën e Vjosës.
Rama falenderoi edhe njëherë Lulzim Bashën për mirëkuptimin, por edhe për qëndrimin e mbajtur gjatë ditës së premte për përmbytjet.
