Pallati i Sportit në Vlorë është mbushur me shtretër në pritje të personave që mund të evakuohen gjatë natës si rezultat i përmbytjeve nga lumi Vjosa.
Rreth 1000 banorë të 6 fshatrave në Vlorë, pritet që të shkojnë në Pallatin e Sportit të qytetit për të kaluar natën si pasojë e përmbytjeve, raporton neës 24.
Ka qenë gjithashtu një numër i vogël qytetarësh që kanë nisur akomodimin e tyre pranë të afërmëve. Edhe pse tashmë janë marrë masat që të vendosen krevatë për të pritur qytetarët në nevojë, deri tani kanë preferuar të qëndrojnë në katet e tyre të dyta të shtëpive.
Ka nga ata që kanë vendosur thasë me rërë për të bllokuar prurjet e ujit. Vetë qytetarët i druhen ndonjë problem të mundshëm, si ndonjë vjedhje.
Pas një mbledhje të Shtabit të Emergjencës në Novoselë, ku mori pjesë edhe ministri Damian Gjiknuri, u mor vendimi që banorët, shtëpitë e të cilëve janë pranë lumit, të evakuohen për të shmangur ndonjë rrezik të pamenduar.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
