Lidhur me ngjarjen e ndodhur ditën e djeshme në zonën e ish-parkut të Autobusëve ka dëshmuar para kolegëve të tij edhe vetë oficeri i policisë Ermal Bregu, i cili mbeti i plagosur nga të shtënat me armë zjarri. Bregu i ka thënë uniformave blu se dy personat janë të lagjes, por nuk ka pasur më parë ndonjë konflikt me ta. “I njoh ata të dy, por nuk kam pasur konflikte me ta. Më fyen dhe menjëherë nisëm të grindeshim. Njëri prej tyre më qëlloi me pistoletë”, mësohet se ka thënë Bregu. Ndërkohë policia i ka shpallur në kërkim të dy personat që u përfshinë në përleshjen dhe më pas plagosjen e oficerit të policisë të Komisariatit nr. 1 në Tiranë.
Dëshmia e policit të plagosur tek ish-parku: “I njoh ata të dy, por …”
