Një grua u nda nga bashkëshorti pasi dalloi pamjen nga dritarja e dhomës së gjumit mes disa fotografive të një gruaje tjetër.
Yulia Agranovych nga Rusia e zbuloi pamjen familjare mes disa fotografive të publikuara në median sociale nga Vlada Abramovich.
Ajo nisi të kontrollonte fotografitë e tjera të Vladës dhe në këtë mënyrë zbuloi edhe një foto të bashkëshortit të saj Nazar Grynko dhe vendosi që të përballej me të.
“Nuk po kërkoja asgjë, ishte një mëngjes normal”, tha Yulia nga St Petersburg, e cila dikur kishte punuar si modele ndërsa aktualisht është dentiste.
“Si çdo njeri tjetër në shekullin e 21 e nisa ditën duke parë ballinën e Instagram dhe papritur pashë këtë fotografi. Rezultoi se kjo grua dhe unë kishin të njëjtët subscribers. Një moment që vizitova profilin e saj gjeta mjaft foto interesante, përfshirë atë të bashkëshortit tim”.
Fillimisht bashkëshorti mohoi gjithçka, por më vonë pranoi se në fakt kishte pasur disa të dashura gjatë martesës së tyre.
