Policia Rrugore e Tiranës ka vijuar edhe mbrëmjen e djeshme aksionet në akset e brendshme të kryeqytetit për të parandaluar drejtimin e mjeteve nën efektin e alkoolit. “Me drager për parandalimin, evidentimin dhe ndëshkimin e drejtueseve të mjeteve që drejtojnë mjetin nën efektin e alkoolit apo në gjendje të dehur”, thuhet në njoftimin e policisë së shtetit. Përveç marrjes së masave dhe ndëshkimeve ligjore, policia ka dhënë edhe mesazhe këshilluese tek drejtuesit e mjeteve. “Po keni konsumuar alkool, mos drejtoni automjetin tuaj, por përdorni automjetet e transportit publik, mos rrezikoni jetën tuaj apo të përdoruesëve të tjerë të rrugës: Alkooli vret”, ka qenë mesazhi që kanë shpërndarë efektivët e policisë rrugore në aksionet e mbrëmjes së djeshme.
https://www.facebook.com/1502420603377639/videos/2066923933593967/
