Forcat ushtarake dhe të antidrogës greke kanë zhvilluar një megaoperacion që ka zgjatur 48 orë në det të hapur për të ndaluar një gomone të nisur nga Himara dhe që ishte e mbushur me mbi 2 ton kanabis. Në këtë operacion që ka vijuar edhe në disa banesa janë arrestuar 4 shqiptare dhe 2 italianë, ndërsa njëri prej skafistëve është plagosur. Lidhur me vendin nga u nis gomonja e drogës, ka reaguar edhe ish-kryeministri Sali Berisha në Facebook, duke theksuar se baza e nisjes ka qenë Porto Palermo. Duke iu referuar mesazhit të oficerit dixhital, Berisha thekson se radarët ose janë fikur ose “bënë sikur” nuk e panë gomonen plot me drogë.
Postimi i Sali Berishës:
Oficeri dixhital informon: Radarët tanë nuk e “panë” gomonen me dy ton drogë që u kap nga forcat greke te kufirit. Gomonia u nis nga moli i Porto Palermos!
“Doktor pershendetje! Jam nje ushtarak i marines nga Saranda. Doja te thoja se çuditërisht skafin e kapur dje me 2 ton e ca droge nga forcat ushtarake Greke e konstatojne vetem radaret e Greqise se radaret tane jane “mesuar” dhe nuk i raportojne me skafet si ai qe u nis dje nga Himara. Forcat detare jo vetëm nuk ka kryer misionin e saj që të ruajë dhe të mbrojë mjedisin detar për zbatimin e ligjshmërisë në det, por perkundrazi ne funksion te paligjshmërise dhe trafikut te droges ka vendosur edhe bazen ushtarake te Palermos për ta ndihmuar këtë trafik. Rasti më flagrant është pista e Forcave Detare në Porto Palermo ku kryhej dhe trafiku i Habilajve i faktuar nga përgjimet italiane, por drejtuesit e Flotes dhe sherbimi informativ i ushtrise qe mbulon detin mbyllin syte dhe fryjne xhepat. Ata shikojne vetem ndonje varke peshkimi per ndonje arke me peshk duke qene se gjuajne me trata fundore dhe u bejne presion se per te tjerat…”
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
