Ish ministri i Brendshëm, Dritan Demiraj paralajmëroi rënie të piramidës shtetërore pas arrestimit të Saimir Tahirit. Duke folur në emisionin ‘Kjo Javë’ për aktualitetin politik si dhe çështjen ‘Tahiri’ ai tha se duhet lënë prokuroria të vijojë hetimin deri në fund.
“Pozicioni i Saimir Tahirit është i rëndë dhe mendoj se Tahiri nuk ka asnjë mundësia për t’u mbrojtur. Mbase Prokuroria duhet të ishte më diskret në këtë çështje.
Por sado që të mbrohet Tahiri dhe të tjerët, unë gjykoj se duhet të lihet Prokuroria dhe gjykata që të bëjnë punën e tyre. Nuk mund të them asgjë për mbrojtjen e Tahirit, pasi atij sa i mbyllet një gjë i hapet një gjë tjetër. Rënia e Saimir Tahirit është e lidhur edhe me ministra të tjerë”- tha Demiraj.
