Policia kufitare në Morinë arreston një shtetas kosovar, të shpallur në kërkim ndërkombëtar, për “vrasje”. Arrestimi me qëllim ekstradimin e tij në shtetin Gjerman.
Burimet e Policisë saktësojnë se dje, specialistët e Policisë Kufitare Morinë, bënë arrestimin provizor me qëllim ekstradimi, të shtetasit kosovar Jakup Smaili, 60 vjeç, lindur dhe banues në Verbice.
Gjatë regjistrimit në hyrje të stacionit të PKM, rezultoi shtetas i shpallur në kërkim ndërkombëtar nga Interpol Wiesbaden/Gjermani.
Autoritetet Gjyqësore Gjermane kanë lëshuar urdhër arresti me nr. 1211 AR 1128/93, datë 27. 01. 2006, për kryerjen e veprës penale “Vrasje”, parashikuar nga Kodi Penal Gjerman.
Maksimumi i dënimit, burgim i përjetshëm.
Materialet iu kaluan Prokurorisë së Rrethit Gjyqësor Kukës për veprime të mëtejshme.
EMRI/ Morinë, arrestohet i kërkuari në Gjermani, rrezikon burgim të përjetshëm për vrasje
