Policia greke brenda 48 orëve ka finalizuar me sukses disa operacione antidrogë për të goditur raste të trafikut të lëndëve narkotike që vinin nga kufiri i gjelbër me Shqipërinë. Gjatë një operacioni të zhvilluar parditen e sotme në Dhrisko, në aksin e vjetër Janinë-Trikalla, u sekuestruan 139 kg 150 gr marijuanë. Në total bashkë sasia e drogës së sekuestruar në të gjitha operacionet është 300 kg. Droga, e ndarë në pako, u gjet në një mjet të parkuar në rrugë. Ndërkohë, në kabinë të mjeti u gjet dhe një pako e vogël me 68.8 gr marijuanë. Nga hetimet e policisë, rezulton se mjeti është në pronësi të një 21-vjeçari shqiptar, i cili u shpall në kërkim.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
