Reshje të dobëta lokale priten të shtunën mbrëma.
Sot (e premte, datë 24 nëntor) deri nesër në mbrëmje (e shtunë, datë 25 nëntor) nuk priten reshje në të gjithë territorin (siç tregohet në tabelë, respektivisht për secilin qark).
Vetëm nesër në mbrëmje vonë në Veri pritet të shfaqen reshje të izoluara dhe të dobëta, parashikon Instituti i Gjeoshkencave, Energjisë, Ujit dhe Mjedisit.
TEMPERATURAT
Nesër (e shtunë, dt.25) temperaturat minimale dhe maksimale të ajrit pritet të arrijnë:
– Në bregdet: 7 °C / 16 °C
– Në vendet e ulta: 2 °C / 15 °C
– Në vendet malore: 0 °C / 11 °C.
ERA
Pritet të fryjë e lehtë sot pasdite (e premte, datë 24 nëntor) dhe nesër paradite (e shtunë, datë 25 nëntor), por do të forcohet nesër pasdite, për të fryrë deri mesatare.
