Menjëherë pas përfundimit të një takimi me disa deputetë të PD-së në kryesinë e Kuvendit, kryedemokrati Lulzim Basha dha një deklaratë për shtyp, ku u shpreh se dekonspirimi i aksionit të arrestimeve për 3 ish-zyrtarë të policisë është bërë nga ministri i Brendshëm Fatmir Xhafa. “Dekonspirimi i aksionit është bërë nga Fatmir Xhafa me porosi të Ramës për të mbrojtur Saimir Tahirin. Rama nuk lejon arrestimin e njerëzve që luajnë rol ne inkriminim e e Xhafës, Tahirit dhe Ramës vetë. Ish-drejtori i Policisë së Vlorës nuk ndalohet se mbrojti vëllain e Xhafës, për të cilin ka urdhër për ndalim ndërkombëtar për trafik kokaine dhe bridhte i lirë në Vlorë. Me Ramën në krye të qeverisë nuk ka as vetting, as dekriminalizim të politikes. Arrestimi i Saimir Tahiri do të ishte hapi i parë për dekriminalizimin e politikës”, deklaroi Basha.
https://www.facebook.com/lulzimbasha.al/videos/1699998363384671/
