Policia e Durrësit në orët e para të ditës së sotma ka finalizuar me sukses operacionin antidrogë të koduar “Luzi”. Në prangat e uniformave blu kanë rënë dy persona, ndërsa një tjetër është shpallur në kërkim. Të arestuarve iu gjetën drogë dhe armë në makinë.
Njoftimi i policisë: Policia e Durrësit, në bazë të informacioneve të siguruara në rrugë operative ka arretsuar në flagrancë shtetasit Lek Biba, 33 vjeç, banues në Luz, Fushë-Krujë; Jurgen Tufa, 23 vjeç, banues në Luz, Fushë-Krujë. Gjithashtu ka shpallur në kërkim F.B. 32 vjeç, banues në Luz, Fushë-Krujë. Dje, më datë 22.11.2017, në Luz të Fushë Krujës, gjatë kontrollit të një Opel Corsa me drejtues Jurgen Tufën dhe pasagjer Lek Bibën, u gjetën rreth 44 kg kanabis dhe dy pistoleta me mbishkrimin “Ecol Special 99”, kalibri 9 mm me kreher dhe fishekë. Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale” Prodhimi dhe shitja e narkotikëve” në bashkëpunim dhe” Prodhimi dhe mbajtja pa leje e armëve luftarake dhe e municionit” parashikuar në nenet 283/2 , 278/1/5 të Kodit Penal.
https://www.facebook.com/1502420603377639/videos/2065666213719739/
