Dje janë referuar materialet në Prokurorinë e Rrethit Gjyqësor të Tiranës për një 43-vjeçar, banues në Angli. Ai dyshohet se ka përdorur skemën e falsifikimit të dokumenteve dhe më pas ka përfituar shtetësinë angleze.
Sipas njoftimit të policisë, J. M., është personi që dyshohet të ketë përfituar nga kjo skemë dhe më pas ka marrë nënshtetësinë angleze me dokumente të falsifikuara , siç pretendohet nga organi i akuzës.
Pritet që në ditët në vijim të merren masa konkrete mbi këtë person, pasi deri tani nuk ka asnjë gjë të dokumentuar, por thjeshtë çështja është në nivelet e dyshimit të arsyeshëm.
Njoftimi i Policisë
Në datë 20. 11. 2017, u referuan materialet në Prokurorinë e Rrethit Gjyqësor Tiranë, për shtetasin J. M., vjeç 43, banues në Angli, pasi dyshohet se duke falsifikuar dokumentet, ka përfituar shtetësinë angleze. Neni 189 i Kodit Penal.
