Mediat italiane kanë zbardhur emrat e tutorëve shqiptarë të arrestuar në shtetin fqinjë.
Pas përfundimit të hetimeve të prokurorisë së Santa Maria Capua Vetere, policia e Marcianise (në Caserta) ka ekzekutuar urdhrat e ndalimit të dhëna nga gjykata ndaj 9 personave, të akuzuar për favorizim dhe shfrytëzim prostitucioni ndaj rreth 15 femrave të kombësive të ndryshme.
Të pandehurit ndaj të cilëve është vendosur masa e sigurimit personal të arrestit me burg
– Giovanni Monaco, 53 vjeç;
– Mentor Domazeti, 39 vjeç (shqiptar), pa vendbanim fiks në Itali;
– Asim Koleci, 30 vjeç (shqiptar), pa vendbanim fiks në Itali;
– Lulzim Hoxha, 41 vjeç (shqiptar), pa vendbanim fiks në Itali;
– Myslym Hoxha, 28 vjeç (shqiptar), pa vendbanim fiks në Itali.
Të pandehurit ndaj të cilëve është vendosur masa e detyrimit të qëndrimit në komunën ku banojnë
– F. A. M., i lindur më 1967.
– M. MA., i lindur më 1995.
Ndërsa ndaj shqiptarit B. M., 39 vjeç, gjykata ka vendosur ndalim qëndrimi në provincën e Caserta-s, ndërsa ndaj një tjetër personi nën hetim, arrest shtëpiak.
Hetimet
Hetimet, të nisura në shtator të vitit 2015, zbuluan aktivitetin e prostitucionit, që kryesisht zhvillohej në disa komuna: Marcianise, Capodrise, San Marco Evangelista e San Nicola la Strada, në vendin e quajtur sheshi “Carlo III”.
Katër automjete që përdoreshin për transportin e prostitutave janë konfiskuar nga efektivët.
