Ish-ministri i Brendshëm, deputeti i PS Saimir Tahiri është rikthyer në Shqipëri, pas udhëtimit dy ditor në Gjermani. Tahiri pritej të kthehej ditën e djeshme, por që ai e shtyu me një ditë ardhjen e tij në Shqipëri.
Ikja e Tahirit jashtë Shqipërisë, ngjalli dyshime të forta nëse ai ishte arratisur apo larguar për punë. Burimet thonë se Tahiri ka qenë në Gjermani për të zhvilluar një vizitë pranë babait të tij, që po kurohet në këtë vend.
Babai i Tahirit, Bashkim Tahiri mësohet se ka disa kohë që kurohet në Gjermani, për një sëmundje. Kjo ka qenë edhe arsyeja e largimit të Tahirit.
