Këngëtarja Bleona Qerreti tregoi sonte detaje që lidhen me këngën “Ti nuk din as me ma lyp” duke shpjeguar për herë të parë disa nga cilësitë e personit që i kushtohet kjo këngë.
Kënga “Ti nuk din as me ma lyp” asokohe bëri bujë për shkak të titullit provokues, mirëpo bujën e vërtetë e ka bërë sot, më shumë se 10 vite më pas, pasi në studion e “Xing me Ermalin”, Bleona Qerreti zbuloi se ajo në fakt i dedikohet dikujt. “Realisht unë atë këngën ia kam bërë dikujt. Domethënë është një histori e vërtetë pas këngës.”- u shpreh Bleona.
Deklarata e saj surprizoi publikun dhe drejtuesin e emisionit Ermal Mamaqi, i cili këmbënguli që këngëtarja të zbulonte identitetin e personit të cilit i dedikohet kënga. “Nuk është me rëndësi të merremi me emra. Ai është shumë i madh tani dhe ka qenë i madh edhe atëherë. Unë dhe Agim Doçi e kishim fjalën për fenomenin.”- u shpreh Bleona Qerreti, duke refuzuar të zbulojë emrin.
Megjithatë, referuar tekstit në të cilin thuhet “hiq kravatën që ke në fyt”, ajo me siguri i dedikohet një zyrtari dhe siç la të kuptohej Bleona në shakatë e saj me Mamaqin, bëhet fjalë për një politikan.
Rreth viteve 2000-2002, media atëherë publikoi një poezi që një politikan i kishte nisur në telefon Bleonës. Poezia u pikas nga kamerat në parlament dhe deputeti në fakt ishte edhe ministër, ndërsa sot është rikthyer sërish në politikë pas disa vitesh mungesë.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
