Në një operacion policor të ditës së djeshme, Policia e Dibrës në aksin rural Zall Dardhë – Muhurr, ka zënë në pritë një makine, pasi kishte marrë informacion se disa persona kryesnin transport bimësh narkotike. Operacioni i Policisë kishte emrin e urës ku u zhvillua operacioni, “Ura e Muhurrit”; aty është bërë ndalimi i automjetit ‘Suzuki’, me drejtues shtetasin A. C. Gjatë kontrollit në pjesën e bagazhit të automjetit janë gjetur 2 thasë me 20 kilogramë kanabis.
Në përfundim të veprimeve të para hetimore u arrestuan në flagrancë shtetasit :
A. C, 47 vjeç, banues në Tiranë. Vepra penale “Prodhim dhe shitje të lëndëve narkotike” kryer në bashkëpunim , parashikuar nga neni 283 e 25 të Kodit Penal.
E. L, 22 vjeç, banues në Tiranë. Vepra penale “Prodhim dhe shitje të lëndëve narkotike” , kryer në bashkëpunim, parashikuar nga neni 283 e 25 të Kodit Penal.
Po ashtu, u shpall në kërkim policor shtetasi : R. C, 29 vjeç, banues në Tiranë. Veprat penale “Prodhim dhe shitje të lëndëve narkotike” kryer në bashkëpunim, “Mosbindje ndaj urdhrit të punonjësit të policisë”, parashikuar nga nenet 283, 25 dhe 242 të Kodit Penal. Policia u sekuestroi celularët si dhe automjetin me të cilin lëviznin. Materialet hetimore do ti kalojnë Prokurorisë Pranë Gjykatës së Shkallës së Parë Dibër, për veprime të mëtejshme për veprat penale të lartëpërmendura.
https://www.facebook.com/1502420603377639/videos/2062209177398776/
