Ambasadori i SHBA-së në Tiranë, Donald Lu nuk e ka mohuar kurrë lidhjen e ngushtë që ka me traditat shqiptare. Këtë e ka treguar edhe me fotot e postuara gjatë paradites së sotme në faqen zyrtare të Ambasadës së SHBA-së në Tiranë. “Foto e Ditës | Ambasadori Donald Lu dhe personeli i Ambasadës mësojnë traditën e endjes në vegjë me Taze Lazrin, në një fshat pranë Lezhës. Taze dhe bashkëshorti i saj, Nikolla, ndihmojnë një sipërmarrje lokale duke thurur peceta dhe pëlhura të tjera, si dhe shporta të cilat përdoren për gjëra të ndryshme”, thuhet në faqen e ambasadës.
