Në Komisionin e Ligjeve u shqyrtua sot projekt-buxheti për Komisionin Qendror të Zgjedhjeve. Kreu i KQZ-së, Klement Zguri i kërkoi qeverisë më shumë fonde për logjistikë dhe infrastrukturë, sepse mungojnë magazinat për grumbullimin e dosjeve me informacion. Por kjo kërkesë e tij hasi në kundërshtimin e përfaqësuesve të opozitës.
Debati:
Klement Zguri: Kërkojmë fonde shtesë për logjistikë dhe infrastrukturë. Magazina që kemi kërkon investimet dhe rikonstruksion. Ne po punojmë me makina të vitit 1994 dhe janë jashtë përdorimit.
Bashkim Fino: Ne kemi financuar gjithmonë KQZ. Me këtë projekt buxhet është në rregull, janë shtuar dhe 6 punonjës në KQZ, është shtuar dhe fondi i pagave. Problemet janë çështje të dorës së dytë. Nëse ka nevojë për një magazinë e ja japim se kalon direkt me VKM.
Përfaqësuesja Ministria e Financave: Buxheti është i mjaftueshëm për KQZ-në.
Oerd Bylykbashi: Çështja e reformës zgjedhore nuk ka lidhje me buxhetin. Është detyrimi ynë që ti japim ato para që tani, KQZ-së. Ne si Parlament nuk i kemi dhënë fondet e mjaftueshme. Flasim për atë që është sot, një gur themeli është administrata, dhe duhet ti menaxhoj jo vetëm në vitin zgjedhor. Kemi tentativa për ç’bërjen e pavarësisë së këtij institucioni. Këto që kërkon janë bazë, magazina për ruajtjen e materialeve është primare. Gjithmonë ka qenë në vështirësi. Duhet të pajiset me çdo gjë që kërkon.
