Pas përfundimit të mbledhjes së parë të Komisionit të Reformës Zgjedhore, në një deklaratë për mediat nënkryetari i LSI-së, Luan Rama pranoi incidentin që ndodhi në momentin kur ai kërkoi të merrte fjalën, ku kreu i Kuvendit, Gramoz Ruçi i fiku mikrofonin. “Kur dëgjova fjalën hapëse të Kryetarit të Kuvendit mu krijua bindja se ai është aty për të përçuar frymën e bashkëpuimit dhe konsensusit për refromën zgjedhore çka në fakt është baza e funksionimit të këtij komisioni dhe garantimit të lirisë së votës. Ajo çka unë nuk kuptova ishte nxitimi me të cilin kryetari Ruçi e mbylli këtë mbledhje të konstituimit të këtij Komisioni, duke i dhënë fjalën vetëm dy bashkëkryetarëve, të cilët janë aty administratorë”, tha Rama.
Nënkryetari i LSI i bëri thirrje kreut të prezencës së OSBE në Tiranë, që të mos largohet si “ushtar i Gramozit” nga komisioni dhe të dëgjojë të gjitha propozimet dhe reagimet në mënyrë që reforma të konkludojë në një prokut që do t’i japë fund problemeve të mëparshme me procesin zgjedhor në Shqipëri. “Ishte për të qeshur sesi disa përfaqësues të mazhorancës ikën si ushtarë pas kryetarit të tyre dhe sesi disa amabsadorë ikën si ushtarë duke mos dëgjuar qëndrimet e palëve për reformën zgjedhore”, deklaroi Rama.
Ndër të tjera, Rama nënvizoi se anëtarët e LSI në komision janë të gatshëm të bashkëpunojnë për të ndërtuar një reformë sipas standarteve që kërkon BE. “Theksova në mbledhje se LSI është aty për të shprehur vullnetin dhe gatishmërinë reale për të ndërtuar një reformë zgjedhore që duhet t’i kalojë caqet partiake dhe të garantojë barazinë dhe paprekshmërinë e votës së qytetarëve. Unë dhe kolegu Naço jemi aty për të qenë bashkëpunues për standartet zgjedhore që kërkon BE”, theksoi ai.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
