Nga godina e Kryeministrisë, komisioneri Johanes Hahn dhe kreu i qeverisë, Edi Rama dhanë sot një deklaratë të përbashkët për shtyp. Duke dashur të nxjerrë jashtë loje zërat për ngecje në procesin e negociatave me BE-në, Rama i tha Hahn se Shqipëria ka arritur sukses në luftën kundër kanabisit dhe krimit, ndaj meriton hapjen e negociatave të anëtarësimit. “Kjo vizitë vjen në një moment të rëndësishëm në kuadër të hapjes së negociatave për anëtarësimin. Shqipëria e ka nisur procesin e vettingut dhe diskutuam hapat që duhet të ndërmarrim së bashku. Diskutuam për suksesin në luftën kundër kanabisit, sukses i mëshiruar në raportin analitik pas monitorimit të Guardia di Finanzës si dhe për operacionin ‘Forca e ligjit’. Padyshim që sot jemi në kushtet ku mund ta themi me plotë gojë Shqipëria meriton hapjen e negociatave”, tha Rama. Por pa fjalë e la përgjigjia e menjëhershme e komisionerit për zgjerimin, i cili I kujtoi kryeministrit se procesi i negociatave bazohet tek faktet dhe jo tek thashethemet e aludimet. “Unë kam ardhur sërish pas disa kohësh për arsye se Shqipëria siç e dini po bën gjithë këtë punë dhe tani kemi ditët e medias. Kemi mundësinë që të diskutojmë me njeri-tjetrin për të qëndruar bashkë, për të bashkëpunuar. Cilat janë sfidat që kanë mbetur pa u trajtuar? Kur flasim për të gjithë procesin e negociatave është një fakt i bazuar tek meritat dhe ne bazohemi tek faktet dhe jo në thashetheme apo aludime. Vlerësimi ynë varet nga evidencat, provat dhe këto kanë rëndësi”, theksoi Hahn.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
