Ish-kryeministri Sali Berisha jashtë sallës së Kuvendit ka denoncuar ashpër një bashkëpunim të krerëve të qeverisë së Serbisë dhe Shqipërisë, Aleksandër Vuçiç e Edi Rama në një plan që shkon kundër interesave të shqiptarëve në luginën e Preshevës. Për Berishën qeveria e zero interesit kombëtar është e interesuar vetëm për pasurimin e klikës së pushtetit dhe nuk dënon aspask lëvizjet albanofobe që po ngrihen në rajon. “Denoncoj me ashpërsinë më të madhe qëndrimet albanofobe të Vuçiç dhe Ramës ndaj shqiptarëve të Preshevës. Regjimi i Vuçiç ka ndërmarrë masa antishqiptare ndër më të egrat që kanë njohur shqiptarët e Preshevës, Bujanovcit dhe Medvegjës në historinë e tyre. Ai synon mbushjen e këtyre trevave shqiptare me refugjatë nga vende të tjera të Ballkanit. Regjimi uVuçiç ka zëvendësuar udhëheqësit legjitim të Preshevës me vasalë të tij, që kanë marrë vetëm në një mbledhje më shumë se 50 vendime të imponuara drejtëpërdrejtë nga Beogradi. Forca albanofobike dënoi me 750 vite burg shqiptarët në procesin e Kumanovës, proces i stisur nga shërbimet sekrete të Shkupit, Beograbit dhe ato ruse. Kam kërkuar dhe kërkoj një hetim ndërkombëtar, ndëshkimin me forcën ndërkombëtare të ligjit të të gjithë albanofobëve. Qeveria e Edi Ramës është qeveria e zero interesit kombëtar. Kjo qeveri synon vetëm pasurimin e paligjshëm të klikës së pushtetit. Shqipëria është mbërthyer në paralizën totale të narko-shtetit vetëm sepse në krye të vendit ndodhet Noriega”, tha Berisha.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
