Në një ceremoni të veçantë që u zhvillua në Komandën e Forcës Tokësore në Zall Herr, u ekspozuan 12 automjete të blinduara, që qeveria amerikane i ka dhuruar ushtrisë shqiptare. Automjetet e reja iu dorëzuan Ministrisë së Mbrojtjes, ndërsa në fjalën e tij, ambasadori amerikan Donald Lu vlerësoi maksimalisht rëndësinë që i kanë dhënë mazhoranca, opozita dhe Presidenti rritjes së buxhetit për mbrojtjen. “SHBA, vitin e ardhshëm do të rrisë buxhetin e saj për Shqipërinë me mbi 35 milionë lekë si vlerësim për angazhimin në NATO dhe në janar Departamenti i Mbrojtjes do të presë ministren e Mbrojtjes me një delegacion për të diskutuar sesi do të zhvillojmë marrëdhënien tonë ushtarake dhe të rrisim bashkëpunimin”, tha Lu.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
