Në pikën kufitare të Kapshiticës janë krijuar radhë të gjata automjetesh pasi po punohet me orare të reduktuara nga ana e palës greke.
Radhët e gjata janë krijuar pasi pala greke punon vetëm me një sportel, ndërsa qytetarët shprehen të indinjuar me këtë që po ndodh në pikën e kalimit në Kapshticë.
Sakaq, pala shqiptare punon me tre sportele në hyrje dhe një sportel në dalje në mënyrë që të ndihmojë qytetarët që të lëvizin më shpejt.
Sipas informacioneve, janë krijuar radhë të gjata mjetesh, të cilat po qëndrojnë për disa kohë në radhë dhe presin që të kalojnë pikën kufitare në drejtim të Greqisë.
Kapshticë, sërish radhë të gjata mjetesh, pala greke punon me një sportel
