Zv.ministri i Brendshëm Julian Hodaj ka shpjeguar sot disa detaje të operacionit gjatë një interviste në studion e emisionit “Kjo javë” në Neës 24, Sipas tij policia ndaloi makinën e Sotës dhe kreu një kontroll të saj pasi ai nuk iu bind policisë. Në vijim ai ka bërë përpjekje për të zhvlerësuar akuzat ndaj policisë për fshehjen e arrestimit dhe gjetjen e patentave të Tahirit në makinë.
“Faktet janë aty, ky shtetas u ndalua nga policia e shtetit se nuk iu bind urdhrit të policisë, u kontrollua makina, u konstatuan paratë dhe u informua prokurori. Kush e njeh pak Kodin e Procedurës Penale e di që është prokurori ai që merret me këtë. Çdo gjë është e dokumentuar, prokuroria ka ndërhyrë në kohë reale dhe policia ka bërë punën e saj”, deklaroi ai gjatë intervistës.
