Presidenti Ilir Meta dha sot mesazhe në mbrojtje të gazetarëve përgjatë një takimi zhvilluar në Presidencë me një grup përfaqësuesish të mediave dhe reproterë me rastin e ditës kundër dhunës ndaj gazetarëve.
Meta e ka nisur fjalën e tij me një mbështetje të hapur për gazetarët, duke apeluar të mos intimidohet dhe cenohet integriteti i gazetarëve, duke “sfiduar” kështë publikisht kryeministrin Rama i cili vetëm pak ditë më parë fyeu një grup reporterësh politikë që po transmetonin direkt një prononcim të Kryeministrit.
“Kur deformohet dhe kur cenohet liria dhe të drejtat e gazetarëve është cenuar dhe sistemi demokratik dhe kjo është ndjeshmëri që e ka gjithë shoqëria jonë në tërësinë e saj. Do të jem këtu gjatë 5 viteve në mbështetje të misionit tuaj për një solidaritet të qartë, sidomos për gazetarët e terrenit, për ata që raportojnë ngjarjet dhe faktet në mënyrë të menjëhershme, shpesh jo vetëm duke sakrifikuar, por edhe rrezikuar për shkak të ngjarjeve”, tha Presidenti Meta.
