Ish-kryeministri Sali Berisha ka gjetur sot ndryshe nga herë të tjera një mënyrë mjaft elegante për të fyer rëndë Kryeministrin e vendit. Ai e ka krahasuar kreun aktual të qeverisë Edi Ramën me një “strukture fallike”.
“Je një strukturë fallike, nxirreni jashtë këtë strukturë fallike”, i drejtohet Berisha kryeministrit.
Strukturë fallike (Phallic Structure) përdoret për ato objekte, ndërtesa, godina, sende apo çdo gjë tjetër fizike që ngjan me organin gjenital mashkullor, sic duket edhe në foto.
Debatet vijuan pas çështjes së Himarës, ku kryeministri Edi Rama reagoi menjëherë pas videos që Berisha i tregoi deputetëve në sallë dhe publikut, ku kreu i Qeverisë dëgjohej duke folur në gjuhën greke. Por kreu i qeverisë tha se nuk di të flasë greqisht, dhe sipas tij, ajo që paraqiti Berisha ishte fjala e tij përshëndetëse në një nga kongreset e Pasokut.
Sakaq, kryeministri Rama nuk ngurroi të thumbonte Berishën, duke u shprehur se ai i përdor gjuhët si ndërtim pa leje.
