Presidenti Ilir Meta duke folur për SYRI.net, i pyetur nga gazetari Çim Peka, nëse e ka dekretuar emërimin e drejtorit të ri të SHISH, është shprehur se “nuk ka ndonjë urgjencë për dekretimin e tij, pasi zëvendësdrejtori është në detyrë dhe vazhdon funksionet e tij”.
“Për të shuar kuriozitetin thuash dhe para se të nisesha për në studion tuaj, kam firmosur dekretin për lirimin nga detyra të drejtorit të SHISH zotit, Visho Ajazi, pas dorëheqjes së tij”, ka sqaruar Meta.
MË tej Presidenti, duket nuk e ka fshehur “habinë” për dorëheqjen e tij, ndërsa ka zbuluar se vetëm një javë më parë kishte pasur takim me kreun e SHISH, ku e kishte garantuar dhe ofruar mbëhstetje në punën e tij.
“Së pari unë në detyrën time, gjithmonë në krye të institucioneve kam respektuar parim e vazhdimësisë së kontributit, dhe në rastin konkret kur behët fjalë për një institucion të një rëndësie të veçantë dhe të një sigurie kombëtare , mund të them që vetëm një javë më parë e kam siguruar Ajazin se ai do të kishte përkrahjen time të plotë duke vazhduar detyrë, duke luftuar luftën kundër terrorizmit dhe krimit të organizuar. Dhe ai me ka falënderuar për besimin.
Jo vetëm kaq por i kam konfirmuar dhe publikisht që kur të kisha mundësi për tu shprehur do të mbaja qëndrimin tim publik në këtë drejtim, jo thjeshte për zotin Ajazi pasi ai garancinë time e ka pasur por dhe për sa i përket shërbimit informativ në terren”, u shpreh Mata.
Ilir Meta “i habitur”…, por firmos dorëheqjen e Visho Ajazit
