Specialistët e Seksionit të Qarkullimit Rrugor, në Komisariatin e Policisë Elbasan, bënë arrestimin në flagrancë të Kreshnik Isufaj, 33 vjeç banues në Elbasan.
Arrestimi i tij, u bë pasi në Lagjen “11 Nëntori” në rrugën nga pallatet e bashkisë për te konvikti i Universitetit duke drejtuar mjetin tip “Ford” veturë me targa AA 813 FG nuk i është bindur urdhrit të punonjësit të Policisë Rrugore për të ndaluar.
Pasi është bllokuar nga shërbimet e Policisë, drejtuesit të mjetit iu bë testi i alkoolit ku rezultoi në gjendje të dehur.
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Drejtimi i automjetit në gjendje të dehur” dhe “Mosbindja ndaj urdhrit të punonjësit të policisë së rendit publik”, parashikuar nga nenet 291 dhe 242 të Kodit Penal.
EMRI/ Elbasan, prangoset shoferi “i dehur tapë”, nuk ju bind Policisë për të ndaluar
