VIDEO/ Dy operacione antidrogë në 24 h, proçedohen tre persona

Brenda 24 oreve janë realizuar dy operacione antidrogë të koduara “Vazhdimësia” dhe “Mafsheqi”. Gjithçka ka ndodhur në Durrës. Në pranga janë vënë 3 persona dhe një grua është në hetim në gjendje të lirë. Në këto operacione janë sekuestruar heroinë, kanabis, peshore elektronike, vlera monetare dhe aparate celularë. Në kuadër të këtij operacioni janë arrestuar në flagrancë shtetasit:

Nderim Mona 52 vjeç, banues në Durrës;

Arjan Abdyli 20 vjeç, banues në Durrës;

Gjithashtu ka filluar procedimi penal në gjendje të lirë në ngarkim të shtetases me iniciale:

E. R., 31 vjeçe, banuese në Durrës.

Gjatë kontrollit fizik dhe në banesat e personave të mësipërm u gjetën dhe sekuestruan në cilësinë e provave materiale:

rreth 117 gr lëndë narkotike e dyshuar e llojit Heroinë, dhe 18 doza;

1 peshore elektronike;

40 000 lekë të reja;

11 aparate telefoni celularë.

Gjithashtu, po nga Specialistët për Hetimin e Narkotikëve në bashkëpunim me Efektivet e Komisariatit të Policisë Krujë, dhe Prokurorinë e Rrethit Gjyqësor Krujë është finalizuar dhe një tjetër operacion anti-kanabis i koduar “Mafsheq”, ku është arrestuar në flagrancë Lik Kabili 64 vjeç, banues në Krujë. Gjatë kontrollit të ushtruar në banesën e shtetasit Lik Kabili dhe territorin përreth banesës së tij, Policia ka gjetur dhe sekuestruar në cilësinë e provës materiale:

rreth 22 kg e 450 gr lëndë narkotike e dyshuar e llojit Cannabis Sativa, e ndarë në 5 thasë. Në bashkëpunim me Prokurorinë po vijojnë hetimet për zbulimin e autorëve të tjerë të implikuar në këtë veprimtari kriminale. Materialet në ngarkim të shtetasëve të arrestuar dhe proceduar kaluan Prokurorisë për veprime të mëtejshme.

/DRONI.al/