Një vogëlush 2 vjeçar ka humbur jetën. Ngjarja ka ndodhur në fshatin Gril i Malësisë së Madhe. Trupi i pajetë ka mbërritur në spitalin rajonal të Shkodrës rreth orës 18:30 të së mërkurës në spitalin e Shkodrës. 2-vjeçari me inicialet D.M nuk kishte shenja jete. Nga deklarimet paraprake të familjarëve mësohet se ka rënë në një gropë të ujërave të zeza në afërsi të banesës së tij. Menjëherë kanë shkuar në vendngjarje grupi hetimor. Sipas “ShkodraNews”. 2-vjeçari ka qenë duke luajtur në afërsi të banesës kur në një moment është shkëputur duke rënë brenda kanalit dhe duke humbur jetën. Familjarët janë munduar që ta nxjerrin me shpejtësi por i mituri si shkak i rënies në gropën e ujërave të zeza ka humbur jetën. Mjekët e kanë pasur të pamundur që t’i japin ndihmën e parë për shkak se 2-vjeçari mbërriti në spital pa shenja jete. Ngjarja e rëndë ka shokuar familjarët dhe të afërmit.
Shkodër, fëmija 2 vjeç humb jetën duke luajtur
