Policia e Shtetit ka dhënë detaje të reja në lidhje me drogën e sekuestruar në Babicë ditën e djeshme.
Pas lajmit se ishin kapur 10 ton drogë, policia ka thënë se sasia e vërtetë është 4.5 ton kanabis. Sasia u konfirmua nga policia pas peshimit.
Droga u gjet në shtëpinë e Armand Koçerri, me profesion infermier. Deri më tani janë shoqëruar 3 persona.
Dy makinat me drogë shoqëroheshin nga mjete dhe efektivë të Delta Force. Transporti është bërë rreth orës 3 të mëngjesit dhe droga tashmë ndodhet në Drejtorinë Vendore të Policisë Vlorë.
Po ashtu bëhet e ditur se droga ishte e paketuar dhe gati për t’u trafikuar, dyshohet drejt Italisë me mjete ujore. 4.5 ton kanabis u gjetën në banesën e Armando Koçerrit, i njohur si mik i Habilajve.
Në bazë te hetimeve të Prokurorisë, rezulton se lënda narkotike është kultivuar, përpunuar, magazinuar dhe është bërë gati për trafik nga persona, pjesë e grupit kriminal të njohur si Habilaj.
Ndërkohe, hetimet po zhvillohen me intensitet të lartë, për zbulimin e të gjithë personave të përfshirë në grupin kriminal. Hetimi është zhvilluar në bashkëpunim me autoritetet ndërkombëtare dhe me shërbimet inteligjente.
Njoftimi i Prokurorisë së Përgjithshme
Një hetim disa mujor i Prokurorisë për Krime të Rënda u finalizua me zbulimin e një sasie të konsiderueshme lënde narkotike, në zonën e Babicës, Vlorë.
Në bazë të hetimeve të Prokurorisë, rezulton se lënda narkotike është kultivuar, përpunuar, magazinuar dhe është bërë gati për trafik nga persona, pjesë e grupit kriminal te njohur si Habilaj.
Ndërkohë, hetimet po zhvillohen me intensitet të larte, për zbulimin e të gjithë personave të përfshirë në grupin kriminal. Hetimi është zhvilluar në bashkëpunim me autoritetet ndërkombëtare dhe me shërbimet inteligjente.
