Ish ministri Tahiri tha se kam pasur një bisedë normale me Kryeministrin për një situatë anormale. I pyetur ne emisionin opinion te Blendi Fevziut, nëse ka kërcënuar kryeministrin me ndonjë fakt, përgjigja e tij ishte se këto janë përralla dhe se nuk ka kërcënuar Kryeministrin dhe askënd.
“Kam bërë detyrën time. Unë e kisha shumë kollaj të bëja miq në politikë, të bëja favore dhe aleanca në korrdioret e pushtetit. Mund të kisha shok sot Ilir Metën, nuk e kam. Kështu zgjodha ta kisha jo në krah por përballë”, tha Tahiri.
“Sot ka politikanë që kanë aleanca më shumë se sa kufijtë politikë. Nuk kam bërë ndere te pronarët e mediave. Nuk kam thirrur kurrë një pronar mediash për një lajm. Prandja duket sikur jam vetëm”, vijoi ai.
