Më kollaj e bëja mik Ilir Metën se sa armik, po ashtu edhe prokurorët dhe gjyqtarët, tha ish ministri i Brendshëm, Saimir Tahiri, në përgjigje të pyetjes nëse ka një komplot kundër tij.
Ndërsa në lidhje me regjistrime apo përgjime të mundshme që ai disponon për disa zyrtarë të lartë ai as mohoi, as pohoi.
Tahiri shpjegoi se është rrugë e gjatë që ka nisur dhe se nuk dinte nëse ishte ndaluar për 2 orë nga policia Artan Habilaj. Ndërsa mohoi të ishte njohur personalisht apo takuar me Emiljano Shullazin, një prej emrave kryesorë të krimit në vend.
