Policia Shqiptare njofton se Dogana Greke nuk do të funksionojë për 24 orët e ardhshme, nga ora 07:00 e së enjtes deri në orën 07:00 të së premtes. Policia e Shtetit u bëri thirrje qytetarëve me mjete që të anulojnë udhëtimin drejt Greqisë dhe të mos grumbullohen në Kakavijë duke krijuar Konfuzion dhe vuri në dukje se këmbësorët do të lejohen të kalojnë.
Njoftimi zyrtar i Policisë Shqiptare
“Njoftohemi nga Policia Greke se për shkak të një greve që do të zhvillohet nga Dogana Greke, duke filluar nga ora 07:00 e datës 19. 10. 2017 deri në orën 07:00 të datës 20. 10. 2017 nuk do lejohet të qarkullimi i automjeteve drejt Greqisë dhe anasjelltas.
Do të lejohet vetëm lëvizja e këmbësorëve.
Policia Kufitare kërkon mirëkuptimin e drejtuesve të automjeteve që kanë planifikuar të qarkullojnë me automjetet e tyre në drejtim të Greqisë, që të anulojnë lëvizjet dhe të mos grumbullohen në Pikën e Kalimit Kufitar duke sjellë konfuzion.
Ju falënderojmë për mirëkuptimin!”.
