Gjatë ditës së nesërme, parashikohet që kthjellimet mbeten dominante në territor deri pas mesditës, kur vranësira kalimtare shfaqen në zonat Lindore. Sipas sinoptikanëve, as nesër nuk priten reshje shiu.
RESHJET
Gjatë pjesës së dytë të ditës së sotme dhe nesër nuk priten reshje në gjithë territorin.
TEMPERATURAT
Temperaturat ekstreme të ajrit për nesër, sipas Institutit të Gjeoshkencave, Energjisë, Ujit dhe Mjedisit pritet të luhaten:
Në bregdet: temp. minimale do të zbresin deri në 14 °C, ndërsa ato maksimale do të ngjiten deri në 23 °C.
Në vendet e ulta: përkatësisht 11 / 25 °C.
Në vendet malore: përkatësisht 9 / 22 °C.
ERA
Sot pasdite dhe nesër do të fryjë e lehtë.
RREZIKU NGA ZJARRET
Gjatë pasdites së sotme dhe nesër pritet një tjetër rritje e lehtë e rrezikut. Për pasojë, shumica e qarqeve do të jenë në nivelin “I MODERUAR” të rrezikut, ndërsa Shkodra, Durrësi dhe Vlora do të mbeten në nivelin “I ULËT”.
