Ish ministri i Brendshëm , Saimir Tahiri ka reaguar sot fill pas lajmit se një kushëri i tij u arrestua sot në Itali me akuzën e trafikimit të drogës.
“Lulezim Basha e jo vetem, paska perseritur akuzat ndaj meje. Nuk me kane bere pershtypje atehere, nuk me bejne as sot.
Nuk pastrohesh dot Lulezim sado te te rritet karrigia. Vodhe e vrave e ia ke hedhur deri me sot, per te sherbyer si kujtesa me e fresket e drejtesise qe nuk kemi e qe nuk u be dot kurre.
Sa per keta qe i quan kusherinjte e mi, DREJTESI DERI NE FUND E DENIM MAKSIMAL.
Per kedo, pa dallim e pa perjashtim”, ka deklaruar Tahiri.
Por ndërsa sot thotë se kërkon drejtësi dhe dënim për kushërinjtë e tij me të cilët këmbeu makinën, dy vite më parë deklaronte tjetër gjë.
Më 24 shtator të 2015-ës, në emisionin ‘Top Story’ në Top Channel, Tahiri tha se Habilajt nuk kishin asnjë precedent penal.
“Unë do të ndihesha i goditur moralisht nëse personat në fjalë rezultojnë se ata janë trafikantë, unë do i kërkoj falje publikut, i kam shitur makinën disa trafikantëve. Do i thoja publikut kam gabuar se i kam shitur makinën disa trafikantëve”, deklaroi Tahiri gjatë atij emisioni.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
