Policia e Fierit ka zhvilluar operacionin antidrogë të koduar “Stan”, ndwrsa ka arrestuat në flagrancë 3 persona, babanë me dy djemtë e tij në fshatin Ngjeqar të Rosokovecit.
Ata janë, M. S., 58 vjeç dhe P. S., 30 vjeç e A. S., 28 vjeç.
Pas informacioneve të marra më parë në rrugë operative se në ambientet e banesës së tyre posedonin sasi lënde narkotike dhe po përgatiteshin për shitje e trafikim të saj, u shkua dhe u bë kontroll në këtë banesë.
Nga kontrolli i ushtruar në një serë perimesh e mbuluar me plasmas, pranë banesës së tyre, u gjendën të groposura 4 fuçi plastike të mëdha të mbushura me kanabis sativa, që u sekuestruan. Ato peshonin 67.7 kg.
Nga veprimet e para hetimore dyshohet se tre të arrestuarit po përgatiteshin që ta trafikonin në Itali.
Dosja e tyre i kaloi Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
