Ambasadori i SHBA në Shqipëri, Donald Lu ka kërkuar veprime konkrete kundër peshqve të mëdhenj. Lu kërkon që lufta kundër krimit të mos shikohet si një betejë kundër PS apo PD, por si një luftë kundër krimit.
“Të lumtë, Skënder Minxhozi! Të gjithë nxitojnë ta shohin këtë betejë si kundër PS-së apo PD-së. Ne amerikanët, duam veprime vendimtare kundër peshqve të mëdhenj të krimit. Ne duam që të gjithë shqiptarët të ndalojnë grindjen dhe të fillojnë punën drejt një synimi të përbashkët: këta gangster të futen në burg. Mjaft u zutë dhe futjuni punës.” – shkruan ambasadori Donald Lu në një video të publikuar nga gazetari Skënder Minxhozi.
