Babai i 30-vjeçarit, Ismet Ahmetaj ka reaguar pas publikimit ne media të historise së mashtrimit. Ai shorehet se djali i tij është në një gjendje të rënduar psikologjike pas zbulimit të së vërtetës dhe publikimit të historisë.
“Djali po kalon një situatë të rëndë psikologjike!”- u shpreh ai.
Ndërsa kushëriri i Barush Ahmetajt shprehet se përveç se ra viktimë e asaj, ai po kalon një gjendje të vështirë pas përhapjes së historisë.
Barush Ahmetaj jeton në një banesë tre katëshe në Manëz, ndërsa punon në postë. Ai u bë i njohur, pasi shpenzoi rreth 6 milionë lekë për ti bërë qefin “nuses” së tij të ardhshme, por që në fund ka mbetur tërësisht i zhgënjyer.
Barush Ahmetaj i ka plotësuar të gjitha dëshirat gruas virtuale, duke i blerë dyshek “Dormeo”, tre qen, papagallë, pistë vrapimi, të gjitha mobiljet e shtëpisë, telefona dhe shumë materiale të tjera, deri tek unaza dhe orë flori, me vlerë 2 milionë lekë.
