Një kontrabandist eshte arrestuar nga Policia e Tiranës. Sipas informacioneve Dashamir Ymeri u arrestua pasi i gjeti në shtëpi, në rrugën Kujtim Laro, 1301 steka cigaresh pa pullë fiskale. Arrestimi u krye në kuadrin e operacinit të koduar Smoking Kills më datë 29.09.2017. Ymeriut iu gjetën edhe 27 225 euro, 55 dollarë, një “Toyota”. Policia nisi procedimin penal në gjendje të lirë edhe ndaj një shitësi ambulant, Rr. Sh., 65 vjeç, banues në Tiranë për këtë çështje. Ymeri do të gjykohet për veprat penale “Tregëtimi dhe transportimi i mallrave që janë kontrabandë”, “Fshehje të ardhurave”, “Shkelje pronësisë industriale” ndërsa për shtetasin Rr. Sh., për veprën penale “Tregëtimi dhe transportimi i mallrave që janë kontrabandë” .
